泰國第一屆Cup of Excellence 競標豆
唔知經歷完最近隻印尼同泰國私伙lot ， 大家對亞洲豆嘅印象有冇改觀呢？
首先，我可以好肯定咁講，我買得既lots， 我都係真心欣賞，同埋係分紙上我個人張分紙上覺得有頭五名既豆。
係咁多隻泰國豆中，呢隻係其中一隻我最鍾意既水洗。我真心覺得泰國豆，做到咁高質素既水洗豆，係非常之唔簡單，尤其係水洗係好能夠直接反映到咖啡係經歷較多發酵程度前既質素。
但最後能夠晉級到COE(頭十六名)，當中只有兩個批次係水洗！ 其他大部分都係日曬或蜜處理。
雖然 我明白將呢三隻處理法一齊評分，咁的確日曬既甜度同風味係高分啲。
但都唔代表水洗比較差！
係泰國咁多批水洗嚟講，我覺得佢係真係處理得非常之好！ 對於佢只拎到第十我其實都幾失望的。。
尤其係當我知道農夫其實都會根據比賽結果去調整自己既處理方法去比賽，我真係好想俾佢地知，水洗都係可以賣到好好既價錢的！
我明白，個世界係鍾意啲爆味啲既野，或許過多幾年水洗慢慢會唔再流行。。
但我真係希望，能係有機會既時候，盡量去以我既能力去支持呢啲豆。
希望大家都陪我一齊支持下泰國既水洗豆🙌
Btw COE第一屈通常都會扺飲啲，之後就會越嚟越貴，所以有興趣既朋友可以盡買。
Thailand 2023 Cup of Excllence
Rank: 10
Farm: Heramon Farm
Farmer: Warit Mantawali
Altitude :1350 masl
Varietal: Catimor
Process: Washed
